(MS8NEWS జనవరి 7)మందమర్రి,: మందమర్రి ప్రాంత ప్రజల రవాణా కష్టాలను తీరుస్తూ, మందమర్రి బస్టాండ్ నుండి రామకృష్ణపూర్ మీదుగా మంచిర్యాల వరకు నూతన షెడ్యూల్ బస్సు సర్వీసును బుధవారం ఘనంగా ప్రారంభించారు. రాష్ట్ర కార్మిక, ఉపాధి మరియు గనుల శాఖ మంత్రి డాక్టర్ జి. వివేక్ వెంకటస్వామి,జిల్లా కలెక్టర్ కుమార్ దీపక్ తో కలిసి పచ్చజెండా ఊపి ఈ బస్సును ప్రారంభించారు.
ఈ కార్యక్రమంలో మంత్రి వివేక్ వెంకటస్వామి తో పాటు జిల్లా కలెక్టర్ కుమార్ దీపక్, ఆర్టీసీ ఉన్నతాధికారులు మరియు స్థానిక ప్రజాప్రతినిధులు పాల్గొన్నారు.
బస్సు మార్గం: ఈ కొత్త బస్సు మందమర్రి నుండి బయలుదేరి, రామకృష్ణపూర్ మీదుగా మంచిర్యాల చేరుకుంటుంది. ఈ మార్గంలో నిత్యం ప్రయాణించే కార్మికులు, విద్యార్థులు మరియు సామాన్య ప్రజలకు ఈ సర్వీసు ఎంతో వెసులుబాటుగా ఉండనుంది.
ఈ సందర్భంగా మంత్రి మాట్లాడుతూ.. నియోజకవర్గ ప్రజల సౌకర్యార్థం రవాణా వ్యవస్థను మరింత మెరుగుపరుస్తామని హామీ ఇచ్చారు. ముఖ్యంగా రామకృష్ణపూర్ మార్గంలో బస్సుల సంఖ్య పెంచాలన్న ప్రజల విన్నపం మేరకు ఈ నూతన షెడ్యూల్‌ను అందుబాటులోకి తెచ్చినట్లు తెలిపారు.చాలా కాలంగా ఎదురుచూస్తున్న ఈ బస్సు సర్వీసు ప్రారంభం కావడం పట్ల స్థానిక ప్రజలు, ముఖ్యంగా సింగరేణి కార్మికులు మంత్రికి మరియు జిల్లా యంత్రాంగానికి కృతజ్ఞతలు తెలియజేశారు.