MS8NEWS జనవరి 16:తెలుగువారి అతిపెద్ద పండుగ సంక్రాంతి అంటేనే అల్లుళ్ల సందడి, పిండివంటల ఘుమఘుమలు. అయితే, నర్సీపట్నం మున్సిపాలిటీ శాంతి నగర్కు చెందిన నాళం రమేష్ కుమార్, కళావతి దంపతులు తమ కొత్త అల్లుడికి ఇచ్చిన మర్యాద ఇప్పుడు పట్టణంలోనే కాక సోషల్ మీడియాలోనూ హాట్ టాపిక్గా మారింది. తమ కుమార్తె లక్ష్మీ నవ్య, అల్లుడు శ్రీహర్షల తొలి సంక్రాంతిని పురస్కరించుకుని వారు ఏకంగా 290 రకాల వంటకాలతో భారీ విందును ఏర్పాటు చేశారు.సాధారణంగా గోదావరి జిల్లాల్లో కనిపించే ఈ ‘వందల వంటకాల’ సంప్రదాయాన్ని నాళం దంపతులు నర్సీపట్నంలో అద్భుతంగా ఆవిష్కరించారు. ఈ విందులో:
స్వీట్లు: అరిసెలు, పూతరేకులు, సున్నుండలు, కాజా వంటి 60 రకాల తీపి పదార్థాలు.
హాట్ ఐటమ్స్: గారెలు, జంతికలు, చెక్కలతో పాటు 50 రకాల కారం వంటకాలు.
భోజనం: పదుల సంఖ్యలో కూరలు, ఫ్రైలు, పప్పులు, బిర్యానీలు.
పచ్చళ్లు: 30 రకాలకు పైగా ఆవకాయ, మాగాయ వంటి నిల్వ పచ్చళ్లు.
ఫలహారాలు: రకరకాల పండ్లు, ఐస్క్రీమ్లు, శీతల పానీయాలు మరియు డ్రై ఫ్రూట్స్.
మురిసిపోయిన అల్లుడు – మురిసిన దంపతులు:
డైనింగ్ టేబుల్పై పేర్చిన వంటకాలను చూసి అల్లుడు శ్రీహర్షతో పాటు వచ్చిన బంధువులంతా ఆశ్చర్యపోయారు. “మా అల్లుడిపై ఉన్న ప్రేమతో, తెలుగు సంప్రదాయం ఉట్టిపడేలా ఈ విందును ఏర్పాటు చేశాం. ఈ పండుగ మా కుటుంబంలో తీపి జ్ఞాపకంగా మిగిలిపోవాలని ఇలా చేశాం” అని నాళం రమేష్ కుమార్ దంపతులు సంతోషం వ్యక్తం చేశారు.
ఈ భారీ విందును చూసేందుకు స్థానికులు సైతం ఆసక్తి చూపడంతో శాంతి నగర్లో పండగ వాతావరణం నెలకొంది.
https://www.instagram.com/reel/DTjjtY4EtLB/?igsh=eWp6MXppNjY4OTBh