(MS8NEWS జనవరి 13 రామగుండం): నిరుపేదలకు సేవ చేయడమే పరమావధిగా, తన సంపాదనలో కొంత భాగాన్ని సమాజ సేవకు కేటాయిస్తున్న VHR ఫౌండేషన్ వ్యవస్థాపకులు, BRS రాష్ట్ర నాయకులు వ్యాళ్ల హరీష్ రెడ్డిని రామగుండం నియోజకవర్గ ఫౌండేషన్ టీం ఘనంగా సన్మానించింది. స్థానిక ఫౌండేషన్ ఇంచార్జ్ సిగిరి రాము ఆధ్వర్యంలో నిర్వహించిన ‘ఆత్మీయ సమ్మేళనం – కృతజ్ఞత సభ’లో హరీష్ రెడ్డి ముఖ్య అతిథిగా పాల్గొన్నారు.
అమ్మ ఆలోచన నుంచే ఫౌండేషన్ పుట్టింది: హరీష్ రెడ్డి
ఈ సందర్భంగా హరీష్ రెడ్డి మాట్లాడుతూ ఉద్వేగభరిత వ్యాఖ్యలు చేశారు:
”నేను ఈ స్థాయికి రావడానికి ఎంతో కష్టపడ్డాను. విదేశాల్లో స్థిరపడి సంపాదించిన సంపదకు, పదిమందికి సాయం చేసినప్పుడే సార్థకత ఉంటుందని మా అమ్మగారు చెప్పేవారు. మా అమ్మగారి ఆలోచనలకు వాస్తవ రూపమే ఈ VHR ఫౌండేషన్. పేద విద్యార్థులకు, కార్మికులకు, వృద్ధులకు అండగా ఉండటమే నా లక్ష్యం.”
వైద్య విద్యార్థికి ఆర్థిక సాయం
సేవా కార్యక్రమాల్లో భాగంగా, రామగుండం నియోజకవర్గానికి చెందిన నిరుపేద వైద్య విద్యార్థి మేకల డార్విన్ ఉన్నత చదువుల కోసం హరీష్ రెడ్డి ఈ ఏడాది కూడా 36,000 రూపాయల ఆర్థిక సాయాన్ని అందజేశారు. గత కొన్నేళ్లుగా సదరు విద్యార్థి విద్యా ఖర్చులను ఆయనే భరిస్తుండటం విశేషం. కేటీఆర్ గారి దిశానిర్దేశంలో విద్య, వైద్య రంగాల్లో మరిన్ని సేవలు అందిస్తానని ఆయన పేర్కొన్నారు.
ప్రతి గడపకు సేవలను తీసుకెళ్లిన టీంకు ధన్యవాదాలు
తాను అమెరికాలో ఉన్నప్పటికీ, గత నాలుగేళ్లుగా ఫౌండేషన్ కార్యకలాపాలను ప్రజల్లోకి తీసుకెళ్లిన సిగిరి రాము మరియు టీం సభ్యులను ఆయన ప్రత్యేకంగా అభినందించారు. తన రాజకీయ జీవితం, సేవా కార్యక్రమాలు రెండు కళ్ళలాంటివని, భవిష్యత్తులోనూ రామగుండం నియోజకవర్గంలో సేవలు కొనసాగుతాయని స్పష్టం చేశారు.
పాల్గొన్న ముఖ్య నాయకులు
ఈ కార్యక్రమంలో మాజీ కార్పొరేటర్లు అయిత శివ, ఎన్వీ రమణారెడ్డి, BRS అధికార ప్రతినిధి జాహిద్ పాషా, అనుముల కళావతి, పోలాడి శ్రీనివాసరావు, పర్స స్వాతి దుర్గాప్రసాద్, కొండ సురేష్, పోయిల రవి, దొమ్మేటి శేఖర్ మరియు ఫౌండేషన్ సభ్యులు మోలుగురి శ్యామ్, దాడి తిరుమల్, యుగేందర్, ప్రవీణ్, బోడిగి శ్రీనివాస్ తదితరులు పాల్గొన్నారు.