MS8NEWS జనవరి 17:మానసిక స్థితి సరిగా లేని మహిళకు అండగా నిలిచిన జిల్లా సంక్షేమ శాఖ.హైదరాబాద్లోని “అమ్మ నాన్న” ఆశ్రమానికి తరలింపు.. అండగా నిలిచిన ఫీల్డ్ రెస్పాన్స్ ఆఫీసర్ స్వర్ణలత
“మానవ సేవయే మాధవ సేవ” అనే నినాదంతో నిరాశ్రయులకు అండగా నిలవడం.మానసిక అనారోగ్యంతో బాధపడుతూ, దిక్కుతోచని స్థితిలో ఉన్న శారద అనే నిరాశ్రయురాలికి జిల్లా సంక్షేమ శాఖ అండగా నిలిచింది. ఆమె పరిస్థితిని గమనించిన అధికారులు, ఆమెకు మెరుగైన వసతి మరియు వైద్యం అందించాలని నిర్ణయించారు.దీనిలో భాగంగా, జిల్లా సంక్షేమ శాఖ వారి ‘ఆపన్న హస్తం’ కార్యక్రమంలో భాగంగా శారదను హైదరాబాద్లోని ప్రముఖ సేవా సంస్థ “అమ్మ నాన్న” ఆశ్రమానికి తరలించారు. ఈ రోజు ఫీల్డ్ రెస్పాన్స్ ఆఫీసర్ (FRO) స్వర్ణలత స్వయంగా ఆమెను ఆశ్రమానికి తీసుకువెళ్లారు.ఈ సేవా కార్యక్రమంలో భరోసా సేవా సంఘం కార్యనిర్వాహకులు నసీమా, సమ్మయ్య మరియు ఇతర స్వచ్ఛంద కార్యకర్తలు పాల్గొన్నారు. అనాథగా ఉన్న మహిళను ఆదరించి, ఆశ్రమానికి చేర్చిన అధికారుల చొరవను పలువురు అభినందిస్తున్నారు.