(MS8NEWS జనవరి 7 ):రామగుండం మున్సిపల్ కార్పొరేషన్ పరిధిలో అత్యధిక జనాభా కలిగిన పద్మశాలి సామాజిక వర్గానికి సముచిత రాజకీయ ప్రాధాన్యత దక్కాలని పద్మశాలి సేవా సంఘం డిమాండ్ చేసింది. బుధవారం స్థానిక ప్రైవేట్ ఫంక్షన్ హాల్లో జరిగిన సమావేశంలో రాజకీయ పార్టీలకు అతీతంగా పద్మశాలీలను గెలిపించుకోవాలని సంఘం నేతలు ఏకగ్రీవ తీర్మానం చేశారు.28 స్థానాల్లో పోటీకి సిద్ధం: రిజర్వేషన్లు అనుకూలిస్తే సుమారు 28 కార్పొరేటర్ స్థానాల్లో పద్మశాలి అభ్యర్థులు పోటీ చేసేందుకు ఆసక్తిగా ఉన్నారని సంఘం వెల్లడించింది.ఐక్యతతోనే విజయం: ఓటు బ్యాంకు బలాన్ని చాటిచెప్పి, మెజారిటీ స్థానాల్లో పద్మశాలి జెండా ఎగురవేయాలని నాయకులు పిలుపునిచ్చారు.ప్రచారంలో రాష్ట్ర నాయకత్వం: ఎన్నికల్లో గెలుపే లక్ష్యంగా జిల్లా మరియు రాష్ట్ర స్థాయి పద్మశాలి నాయకత్వాన్ని ప్రచారంలో భాగస్వామ్యం చేయాలని నిర్ణయించారు.ఈ కార్యక్రమంలో రామగుండం కార్పొరేషన్ ఏరియా పద్మశాలి సేవా సంఘం అధ్యక్షులు చిప్ప రాజేశం, ప్రధాన కార్యదర్శి ఆడెపు శంకర్, వర్కింగ్ ప్రెసిడెంట్ పిట్ట లక్ష్మి నర్సయ్య, గౌరవ అధ్యక్షులు మండల సత్యనారాయణ, జిల్లా ఉపాధ్యక్షులు గుండేటి రాజేష్, కోశాధికారి కోండి సంపత్ తదితరులు పాల్గొన్నారు.
అలాగే వివిధ మండలాల అధ్యక్షులు మోర శ్రీనివాస్, మామిడాల రాజేశ్వర్ రావు, ఎలగందుల శ్రీకాంత్ (అంతర్గాం), అనుమ భద్రయ్య (NTPC), దేవునపల్లి చక్రపాణి, తాటికొండ రాజబాబు, ఆడెపు రాజేశం, బొద్దున శంకరయ్య మరియు మాజీ కార్పొరేటర్లు, ప్రస్తుత అభ్యర్థులు పెద్ద సంఖ్యలో పాల్గొని తమ మద్దతు ప్రకటించారు.