(MS8NEWS జనవరి 3):ఆంధ్రప్రదేశ్ ఉప ముఖ్యమంత్రి పవన్ కల్యాణ్ తెలంగాణలోని ప్రముఖ పుణ్యక్షేత్రమైన కొండగట్టు అంజన్న ఆలయాన్ని సందర్శించనున్నారు.
తిరుమల తిరుపతి దేవస్థానం (TTD) కేటాయించిన ₹35.19 కోట్ల నిధులతో పలు అభివృద్ధి పనులకు పవన్ కల్యాణ్ శంకుస్థాపన చేయనున్నారు. భక్తుల సౌకర్యార్థం 96 గదులతో కూడిన భారీ సత్రాన్ని నిర్మించనున్నారు. ఒకేసారి 2,000 మంది భక్తులు దీక్ష విరమణ చేసేలా ఆధునిక మండపాన్ని నిర్మించనున్నారు. గతంలో పవన్ కల్యాణ్ పర్యటించిన సమయంలో భక్తుల ఇబ్బందులను గమనించి, TTD ద్వారా నిధులు మంజూరయ్యేలా చొరవ తీసుకున్నారు.
పర్యటన షెడ్యూల్ (జనవరి 3, 2026)
సమయం: ఉదయం 10:30 గంటల నుంచి 11:30 గంటల వరకు కొండగట్టులో పర్యటించనున్నారు.
ముఖ్య అతిథులు: ఈ కార్యక్రమంలో టీటీడీ చైర్మన్ బి.ఆర్. నాయుడు, చొప్పదండి ఎమ్మెల్యే మేడిపల్లి సత్యం మరియు ఇతర ప్రముఖులు పాల్గొననున్నారు.
పార్టీ సమావేశం: శంకుస్థాపన అనంతరం కొండగట్టు పరిసరాల్లో జనసేన పార్టీ తెలంగాణ నేతలతో పవన్ భేటీ అయ్యే అవకాశం ఉంది. పవన్ కల్యాణ్ పర్యటన దృష్ట్యా జగిత్యాల జిల్లా పోలీసులు కొండగట్టు వద్ద భారీ భద్రతా ఏర్పాట్లు చేశారు. భక్తులకు ఎలాంటి ఇబ్బందులు కలగకుండా ట్రాఫిక్ ఆంక్షలు విధించే అవకాశం ఉంది.